Frades celebra este sábado a Festa da Auga
O Concello de Frades celebra a Festa da Auga este sábado 9 de agosto a partir das 16:00 horas na piscina municipal en Papucín. A celebración contará con atraccións como un inchable e un tobogán acuáticos, unha pequena piscina para os máis pequenos e unha lanzadeira de escuma para rematar a festa.
A participación nesta festa é libre e de balde. É a primeira vez que o Concello de Frades celebra a Festa da Auga. Este ano decidiuse facela porque durante o Día do Neno, a mediados do pasado mes de xullo, un fallo no equipo técnico impediu a festa da escuma e acordouse cos seus responsables retomalo co evento desta fin de semana.