Detido un vigués que ameazou de morte cun coitelo a clientes dunha cafetaría

Axentes do Corpo Nacional de Policía da Comisaría de Vigo, detiveron por un delito de ameazas graves a un veciño de 41 anos que usou un coitelo de grandes dimensións para ameazar de morte a varios clientes dunha cafetaría da cidade.

Tal e como informou a Policía Nacional, os feitos sucederon a última hora da madrugada deste venres, cando recibiron unha chamada na que se informaba de que nunha cafetaría da avenida da Florida un home cunha arma branca estaba a ameazar aos clientes.

Unha dotación trasladouse até o lugar e atopou a un individuo que coincidía coas características do denunciado, polo que procedeu a identificalo. Ademais, entrevistáronse coas testemuñas, que explicaron que o home entrara na cafetaría e empezara a ameazar aos presentes, tras o que colocara un coitelo no pescozo dun dos clientes e a dicirlle que lle ía a matar.

O cliente conseguiu intercalar a súa man e afastar o coitelo do seu pescozo, cortándose os dedos, tras o que o agresor fuxiu nun vehículo. Despois de realizar as comprobacións oportunas, descubriuse que o coche que non estaba conforme á lexislación vixente para poder circular pola vía pública, polo que se comisionou un guindastre para o seu traslado ao depósito municipal.

Así mesmo, como o coitelo non se atopaba no interior do automóbil, os indicativos buscárono nas proximidades e achárono escondido nunha xardineira próxima, tras o que detiveron ao home, que tiña 13 antecedentes policiais anteriores.