Crespo ultima os detalle do proxecto para a construción dun aparcadoiro no Lalín Arena

O alcalde de Lalín, José Crespo, visitou esta mañá a zona de aparcamento de enfronte ao Lalín Arena e a piscina municipal cos concelleiros de Urbanismo e Obras, Román Rodríguez e Camilo González, e o aparellador municipal para “ultimar” detalles do proxecto definitivo do aparcamento que dará servizo ao Lalín Arena e a piscina municipal que se situará nos terreos ubicados no fronte e no lateral da piscina municipal e o reacondicionamento do espazo existente fronte a fachada do multiusos.

O rexedor explicou que “a construcción desa zona de aparcamento e o afirmado en aglomerado está contemplado nun dos proxecto dos plans provinciais deste ano e que será aprobado pola Deputación de Pontevedra en vindeiras datas”.

Con este proxecto preténdese dotar a esta zona “de aparcamento para as persoas que asistan ás instalacións deportivas desta área”.  Para elo abordarase o solado en agglomerado da área de aparcamento, como se tiña avanzado, e a posibilidade de ampliar a zona de paso máis estreita situada entre a esquina que forma Lalín Arena e piscina climatizada e os lindeiros cos predios de enfronte a fin de que o paso sexa máis folgado para os vehículos.

O rexedor explicou que con este proxecto habilitaranse máis de un centenar de aparcamentos nas inmediacións da instalacións deportiva para dar servizo aos moitos usuarios cos que conta a instalación.