Comezan a tempada as categorías base do Santiago Futsal

Como cada nova tempada, as categorías base do Santiago Futsal empezan o novo curso futsaleiro. Desde o club apostan pola canteira como peza crave de futuro do equipo compostelán, e por iso comezan os adestramentos desta nova tempada con máis ganas e ilusión que a anterior.

O primeiro grupo que empezará a exercitarse será o grupo de Tecnificación, formado polo filial (Santiago Futsal B), Xuvenil Nacional, Xuvenil Autonómico, Cadete Autonómico e Infantil Autonómico, que comezará a primeira semana de setembro, no Pavillón Municipal de Sta. Isabel.

Os grupos de Formación e Iniciación, formados polo Cadete B, Infantil B, Alevín A/B, Benxamín A/B, Prebenxamín de 1º e 2º ano e Psicomotricidade empezarán os adestramentos o 15 de Setembro, nos horarios establecidos, no IES Fontiñas. No caso do grupo de Psicomotricidade os adestramentos realizaranse na pista anexa ás instalacións do IES Fontiñas.

Os horarios de adestramento do grupo de Formación e Iniciación serán os seguintes:

O grupo de psicomotricidade adestrará martes e xoves en horario de 18.00 a 19.00h.

O grupo de prebenxamins A/B adestrarán conxuntamente os luns e mércores de 18.00 a 19.00h.

O grupo benxamín A/B adestrará conxuntamente os días luns e mércores de 19.00 a 20.00 h.

O grupo de alevíns A/B adestrarán conxuntamente os martes de 20.00 a 21.00 h. e xoves de 18.00 a 19.00h.

O equipo infantil B adestrará os mércores de 20.00 a 21.00 h. e os xoves de 19.00 a 20.00 h.

O equipo cadete B adestrará martes e mércores de 21.00 a 22.00h.