Clausúrase en Monforte o Obradoiro de Verán “Música e Baile 2014”

Un total de 87 alumnos/as participan nos distintos talleres que se imparten no II Obradoiro de Verán “Música e Baile”, organizado polo Concello de Monforte. Este obradoiro comezou o pasado día 18 de agosto e desenvólvese no Conservatorio Municipal “Mestre Ibáñez”.

Este venres día 29 clausurarase o obradoiro, motivo polo que o auditorio do Edificio Multiusos abrirá as súas portas ó público que desexe presenzar as clases de baile en tódalas modalidades ofertadas. A finalidade é que os familiares e amigos das persoas participantes nos talleres de baile poidan aprezar a evolución do alumnado despois de dúas semanas de clases.

Polo Xeral, o alumnado inscribiuse en dous ou máis talleres e cada un deles conta cos seguintes alumnos/as:

33   persoas en música e movemento – hip hop

27  persoas en ballet clásico

8  persoas en baile de salón

27  persoas en danza moderna

12  persoas en danza tradicional galega

9  persoas en gaita

8 persoas en improvisación e creación musical moderna

25 persoas en percusión moderna

6 persoas en clarinete

2 persoas en frauta traveseira

5 persoas en saxofón

3  persoas en trompeta

22 persoas en guitarra

10 persoas en percusión galega

28  persoas en piano

10 persoas en violín

As idades do alumnado oscilan entre os 4 e os 60 anos, estes últimos inscritos sobre todo en Baile de Salón, pero o 90 % do alumnado ten idades comprendidas entre os 4 e os 17 anos.

En comparanza coa primeira edición deste obradoiro, podemos dicir que houbo un incremento de alumnos/as mozos/as fronte ós adultos.

O obradoiro está impartido por profesores do Conservatorio Municipal e da Escola Municipal de Música e Danza, así como por dous profesores alleos ó centro.