Cerdedo instalará bandas reductoras de velocidade no lugar de Pedre

Bandas reductoras da velocidade instaladas

Tras as diversas solicitudes enviadas e as reunións mantidas entre os 3 alcaldes que forman o Consorcio Local Conca do Lérez e os representantes das demarcacións de estradas do Estado tanto en Galicia como en Pontevedra, así como coa Xefatura Provincial de Tráfico, constatouse un descenso desde finais do mes de xuño do número de transportes especiais que trasladan os aeroxeradores e que tantas molestias ocasionan aos usuarios da N-541. Igualmente desde Tráfico comunícannos que intensificaron a vixilancia por parte dos axentes para procurar que a circulación destes vehículos non interfira no uso da vía polo resto de usuarios.

Igualmente os axentes vixiarán de forma moi estrita as vías de servizo, vías de acceso a pobos e vellos tramos da N-541 ao descubrir que moitos condutores transitaban de forma temeraria por estas zonas para adiantar os vehículos de transportes especiais.

Os concellos como o caso de Cerdedo no lugar de Pedre, xa están a estudar medidas para evitar que os condutores circulen de forma temeraria por este lugar moi frecuentado por nenos e persoas maiores, instalando en breve unhas bandas reductoras de velocidade.