Cerdedo denuncia o roubo de catro paneis anunciadores de titularidade municipal

O Concello de Cerdedo presentou na mañá de hoxe unha denuncia no Cuartel da Garda Civil de Cerdedo do roubo de 4 paneis anunciadores para os bandos e avisos municipais co cristal e que son de titularidade municipal. Estes carteis estaban situados nos lugares de San Martiño, Vilar, Loureiro e Vilalén. Igualmente produciuse o roubo do terminal de teléfono da parada de taxis situada no centro de Cerdedo deixando sen servizo aos taxis. Ante este feito o Concello contactou coa empresa do servizo de telefonía e espera que en breve se restableza o servizo coa instalación dun novo terminal e adaptado.

Desde o Concello quérese pedir a colaboraciónde as forzas de seguridade e dos propios veciños chamando o máis axiña posible ao ente local ou á propia garda civil, ante a presenza de calquera individuo de estrañas características ou vehículos sospeitosos.