ACEBE entregou os premios da campaña de verán

Entrega de premios

A Asociación de Comerciantes e Empresarios de Betanzos celebrou este mediodía a entrega dos premios da campaña A EXTRA DE VERÁN, unha acción promocional que se desenvolveu entre o 12 e o 28 de xuño e que sorteou 1.500 € repartidos en oito premios que se poderán trocar nos establecementos asociados en ACEBE CCA a través de cartóns regalo.

Os afortunados no sorteo foron os seguintes:O primeiro premio, que recaeu nun boleto entregado por Euroconfort-Don Dino resultou deserto. Os segundos premios foron a parar a mans de Belén Villar Miramontes, que obtivo o boleto gañador en Ascoyfi, e de Alberto Álvarez Pratas cun boleto entregado en Gadis. Por último, dos cinco terceiros premios dotados con 100 € cada un, unicamente foron reclamados os que se entregaron a Raquel Fernández Rodríguez e a Beatriz Romay Sueiro que obtiveron os boletos premiados en Isi e Mercería Mary respectivamente. Os outros terceiros premios que resultaron desertos foron entregados por Javier moda Home, Supermercado Froiz e Administración de Lotarías O Globo de Betanzos.

No acto de entrega, celebrado na sede de ACEBE CCA, a presidenta da asociación Antonia Anido Díaz fixo entrega dos cheques aos premiados e aproveitou ademais para agradecer a confianza tanto dos premiados como de todos os clientes e asociados que participaron na acción promocional ademais de agradecer o apoio de institucións e colaboradores. Ademais Anido estivo acompañada no acto pola Concelleira de Comercio Mónica Carneiro así como por Iria Rodríguez, Responsable de RSC de Gadisa e polos representantes dos establecementos que repartiron os premios.

Os gañadores poderán trocar o premio en calquera dos preto de 200 establecementos comerciais ou empresas pertencentes á ASOCIACIÓN DE COMERCIANTES E EMPRESARIOS DE BETANZOS. O directorio de asociados é público e está dispoñible na páxina web da asociación www.comerciodebetanzos.com.

A entrega de premios celebrouse despois de que ACEBE.CCA cultivase un gran éxito coa campaña de dinamización comercial que incluíu o sorteo de premios entre os clientes do comercio de Betanzos a través da iniciativa A EXTRA DE VERÁN que repartiu durante o pasado mes de xuño un total de 200.000 boletos que permitían aos clientes do comercio de Betanzos a participación automática no sorteo de 1.500 € en premios. A acción de promoción do comercio local foi organizada por ACEBE.CCA e contou coa colaboración da Xunta de Galicia, Deputación dá Coruña, Concello de Betanzos e GADISA.