Abadía de San Campio consegue o primeiro premio na XXVI Cata Concurso Rías Baixas Albariño

Unha edición máis da Festa do Albariño, os asistentes demostraron que os viños de Rías Baixas teñen gancho cunha participación contorna ás 150.000 persoas, unha cifra que baixou con respecto a anteriores edicións debido ás choivas producidas o pasado venres. As casetas do Paseo de Calzada enchéronse o domingo pola tarde tras a entrega de premios aos mellores Rías Baixas Albariño, galardón que nesta edición recaeu en Abadía de San Campio, de Adegas Terras Gauda. Por outra banda o túnel do viño continúa a súa consolidación entre o público máis experimentado cunha participación que superou as 350 persoas.

Tras catar 65 marcas de Rías Baixas en dous días, os profesionais que integraron o panel de cata da XXVI Cata Concurso Rías Baixas Albariño decidiron que os premios desta edición recaesen a medalla de ouro na marca Abadía de San Campio, de Adegas Terras Gauda; a medalla de prata no Rías Baixas Albariño de Quinta da Erre, de Adega Quinta da Erre e; a medalla de bronce en Lagar de Costa, de Adega Lagar de Costa.

Tras a entrega dos galardóns aos premiados durante a comida de confraternidade da LXII edición da Festa do Albariño en Cambados; os xornalistas, enólogos e catadores, que integraron o panel de cata do concurso durante esta edición, coincidiron en sinalar “a regularidade e uniformidade destes viños”, e destacaron “o “o perfil varietal dos viños desta anada”, tamén explicaron que “tendo en conta que foi un ano complicado, o resultado da anada é positivo” e que “unha vez realizada a selección na cata prima a elección do gañador foi moi axustada”. Finalmente, os catadores resaltaron que “as adegas están a apostar claramente por elaborar viños de calidade”.

Finalmente, a organización estima que durante esta edición da Festa do Albariño pasaron unhas 150.000 persoas polo Paseo da Calzada para degustar os viños da anada 2013, cualificada como “Moi Boa” e que as casetas venderon unhas 70.000 botellas de Rías Baixas, tamén consecuencia da menor afluencia de público debido ás inclemencias metereológicas do pasado venres, un dos días fortes deste festexo.

No seu discurso o presidente da Xunta de Galicia destacou o importante traballo que está a realizar o sector de Rías Baixas que os describiu como: “a mellor cara de Galicia”. Pola súa banda, o presidente do Consello Regulador dixo que “non debemos de caer na tentación de sacrificar calidade por cantidade” e tamén lembrou que “en mans do sector está o futuro”. Juan Gil foi contundente “o viño debe excluírse de calquera norma legal que o confunda con calquera sustancia potencialmente nociva para a mocidade” e lembrou que “o viño é un alimento”. Tamén pediu á Administración apoio para “loitar contra a fraude os viños sen etiqueta”. Finalmente, o presidente da D.O. Rías Baixas lamentou durante o seu discurso que “a exclusión dos Consellos Reguladores da interprofesional, recentemente creada baixo os auspicios do Ministerio de Agricultura, alimentación e Medio Ambiente, negándoselle voz e voto en decisións que lle afectan”.

Túnel e catas temáticas

A cuarta edición do Túnel do Viño, celebrado entre o 31 de xullo a 3 de agosto na antiga Fábrica de Conservas Pena de Cambados, acolleu a máis de 350 persoas, cifra superior á anterior edición. Fóra do ambiente festivo, 300 persoas, que admitiron ser entusiastas do viño, encomiaron esta iniciativa na que tiveron cabida 126 marcas da D.O. Rías Baixas, pertencentes a 56 adegas que estiveron asesoradas en todo momento por un catador.

Ademais, as 13 sesións maxistrais, dirixidas por enólogos das adegas da D.O. Rías Baixas, buscan o seu oco nesta festividade cunha participación total próxima ás 200 persoas no seu primeiro ano de existencia.