Enviar a un amigo
Opinar
ImprimirA Xunta continúa cos trámites para resolver a apertura do expediente a Augas de Mondariz
A Consellería de Medio Ambiente da Xunta de Galicia segue en “trámites” para a apertura do expediente sancionador á empresa embotelladora Augas de Mondariz a causa da vertedura duns 3.000 quilos de eslamiada cáustica no río Tea (Pontevedra), que provocou a morte duns 500 quilos de peixes na madrugada do pasado venres.
O departamento valora neste momento “informes da Xunta, do Concello de Mondariz e da empresa embotelladora”, así como “mostras” procedentes do laboratorio, para poder chegar a unha determinación.
O río corresponde á Confederación Hidrográfica Miño-Sil, polo que é esta entidade a que se encarga de “avaliar os danos” e desenvolver o informe durante esta semana.
A “embergadura” do acto seguramente traerá consigo un expediente “sancionador”, segundo informou a consellería, que indicou que en base a todo isto darase a resolución.
“BO TRABALLO DESDE O MINUTO UN”
Pola súa banda, o alcalde de Mondariz, Julio Alén, confirmou este luns que “grazas á coordinación da Xunta, a empresa e o concello”, xa se retiraron “todos” os peixes mortos do río Tea, o que cualificou como “un bo traballo desde o minuto un”.
En canto á posible repoboación das augas, Alén transmitiu que “primeiro son necesarias as analíticas da flora”, que se farán “canto antes”. O rexedor espera que a Xunta as leve a cabo “esta semana”.
Así as cousas, afirmou que cando “coñezan os resultados” das analíticas procederán “todo o máis convinte”, e engadiu que no concello seguen “moi pendentes” do asunto, para poder solucionalo “canto antes”.
