A regata Hotel Galatea Trofeo Conservas Pescamar de Cruceiros celébrase este fin de semana

Todo a punto para que este próximo fin de semana 30 e 31 de agosto celébrese a XVIII REGATA HOTEL GALATEA – TROFEO PESCAMAR para Cruceiros ORC nas súas modalidades Absolutas (tripulacións completas) e A Dous (tripulacións cun máximo de 2 tripulantes) que será organizada polo Club Náutico Portonovo que contará coa colaboración do Club Náutico de Boiro-Mariña de Cabo de Cruz que o fai por terceiro ano consecutivo e o fiel patrocinio do HOTEL GALATEA e CONSERVAS PESCAMAR.

En declaracións do presidente do club organizador, D. Javier Ruiz de Cortázar, facía constar o agradecemento ao director do Hotel Galatea, D. Carlos García, de Xestión Hoteleira e á xerente de Conservas Pescamar, Dna. Guadalupe Murillo pola súa fidelidade no patrocinio sen os cales non se pode celebrar un evento destas características que ademais mantén a gratuidade na inscrición, cousa que xa poucos clubs fan na actualidade. Tamén destacou a colaboración do Club Náutico de Boiro e en particular na persoa do seu presidente D. Manuel Fajardo, así como Coca Cola e Adegas Quinta do Buble.

A regata constará de dúas xornadas con senllos percorridos costeiros en liña desde Portonovo na Ría de Pontevedra, até Cabo de Cruz na Ría de Arousa, sendo a saída o sábado ás 13.00 horas e pasando a noite na mariña boirense de Cabo de Cruz até o domingo, día en que se realizará outro costeiro de regreso con saída ás 12:00 horas. Cada etapa terá unha distancia aproximada de 19 millas segundo o itinerario que ordene o comité de regatas á vista das condicións meteorolóxicas que haxa no momento.

E novamente nesta edición os organizadores quixeron dar a oportunidade a que participe unha modalidade en alza actualmente como é a categoría A DOUS cuxo número superou mesmo aos de categoría absoluta nas últimas edicións, valéndolle todo iso para que sexa puntuable para o Circuíto Galego de Cruceiros A Dous do 2014.

Espérase chegar ás 30 unidades como mínimo en Liña de saída.

Lembremos que na pasada edición os vencedores, que tamén seguro van tentar estar nesta para defender o seu título, foron en ORC1 o SEBRALA (Bavaria 50 – Magin Alfredo Froiz – RCN Sanxenxo); en ORC2 a PUNTA LAGOA (Sun Fast 32 – Alberto Igrexas – CN Punta Lagoa); en ORC3 gañou o PIKO NORTE (Bavaria 32 – José Manuel Castro – RCN Coruña) e por último, na Dous o vencedor foi o ATLANTE UN (Dehler 37 – Gonzalo Vázquez – CN Sada).