A piscina climatizada de Verín inicia a tempada con novas salas e actividades

O luns 01 de setembro abren as súas portas as instalacións da Piscina Climatizada de Verín, tras as melloras realizadas nas mesmas durante o mes de agosto (pavimentación, pintura, substitución das luminarias, sistema de depuración de auga no jacuzzi, limpeza de humidades, desinfección e remodelación do vaso da piscina), mantendo os prezos das últimas tempadas e ofertando novos cursos e salas para o ano 2014-2015.

Os cursos que se ofertarán esta tempada son: natación (adultos, bebés, infantil e colectivos), aquagym, wellness, aerotono, zumba, pilates, spinning e tonificación muscular (G.A.P.), ademais das novidades power-dumbell, step, aero-box, tonificación e tonificación tren superior e abdominais.