A limpeza e mantemento de diferentes viarios convértese en motivo de desaprobación por parte da A.E.F.

A forma en que se están realizando os labores de mantemento e limpeza, en diferentes viarias de Ferrol e Narón, por parte do Ministerio de Fomento, é motivo de desaprobación por parte da Asociación de Empresarios Ferrolterra. A A.E.F. dirixiuse de novo a fomento para coñecer se continúan os labores de limpeza dos viarios, e reclamar que se realicen coa amplitude e profundidade necesarias.

O seguimento realizado pola o A.E.F., aos labores de mantemento dos viarios: FE-13 (Chea-Catabois), FE-12 (Freixeiro-Río do Pozo); N-655 (enlace FE-12 co Porto Exterior) e o tramo comprendido entre a saída 36-F, da AP-9 e a FE-15 saída A Malata, que foron reclamados a mediados do mes de xuño ante o Ministerio de fomento, puxo en evidencia que non se están realizando da forma adecuada.

No caso da FE-12 (Freixeiro-Río do Pozo), a roza está a realizarse de maneira parcial, altérnanse tramos limpos (fundamentalmente pequenos ángulos nas incorporacións dos viarios ás glorietas), con outros cubertos de maleza, a mesma situación pódese observar no tramo comprendido entre a saída 36-F, da AP-9 e a FE-15 saída A Malata.

A A.E.F solicita a FOMENTO, que dado o tempo transcorrido desde o inicio dos labores e a forma en que se están realizando, primeiro, se informe acerca da continuidade ou non destes labores, en segundo lugar, que se realice unha roza, en profundidade e amplitude necesaria, das medianas e marxes dos viarios, limpeza de cunetas e beiravías, cortes de herba en xeral, recollida dos restrollos, poda de árbores e arbustos cando sexa necesario….., todo iso co obxectivo de cumprir cos deberes de seguridade que corresponden respecto dos usuarios dos viarios, destacar que se trata de zonas especialmente transitada por conectar diferentes enclaves con elevada actividade empresarial.