Xuventude do Carballiño informa sobre un campamento de verán en Boiro

Os mozos que queiran participar no campamento de verán organizado polo servizo de xuventude e voluntariado, poden xa inscribirse nas dependencias municipais. As datas de celebración deste campamento serán do 14 ao 21 de agosto, sendo o destino Espiñeda, en Boiro.

Trátasedun recinto natural, en zona de costa, con capacidade para 110 prazas en tendas de campaña. Así mesmo ofrecen comedor cuberto, pista polideportiva e recinto cuberto para talleres. Encóntrase a dous quilómetros da localidade de Boiro.

Poderán participar nestaactividade todos os nenos nacidos entre 1999 e 2004, e que esteanempadroados no Carballiño dende o 1 de xaneiro de 2014. En caso de non cubrir as prazas os empadroados, poderán participar os non empadroados.

As solicitudes poderanserecoller no departamento de xuventude do concello do Carballiño, situado na segunda planta da consistorial, e o prazo límite para entregar esta solicitude será o 31 de xullo. O prezo por participante será de 80 euros.