Uns 40 veciños de Oleiros someten a exame 17 libros na actividade das Tertulias literaria

Os participantes nas tertulias literarias oleirenses examinaron durante este ano un total de 17 libros. Nesta actividade, levada a cabo na Biblioteca Central Rialeda todos os mércores, desde principios de outubro de 2013 a mediados de xuño de 2014, participaron un total de 40 veciños e veciñas. Nese período de tempo léronse obra literarias de moi variado estilo que posteriormente foron sometidas á crítica e o debate. Coas cualificacións de todas elas, ambos os dous grupos elaboraron unha listaxe. Os resultados foron os seguintes:

No grupo A: en primeiro lugar, La ignorancia de Milan Kundera; en segundo lugar, Claus y Lucas de Agota Kristof; de terceiro quedou, Una temporada para silbar de Ivan Doig; de cuarto, El proyecto esposa de Graeme Simsion e de quinto, La noche de los tiempos de Antonio Muñoz Molina.

No grupo B: en primeiro lugar, La noche de los tiempos de Antonio Muñoz Molina; en segundo lugar, Una temporada para silbar de Ivan Doig; de terceiro seleccionaron, El reflejo de las palabras de Kader Abdolah; de cuarto, Antoloxía do conto galego: século XX e de quinto, La gran casa de Nicole Kraus.

No mes de setembro abrirase de novo o prazo para inscribirse na próxima temporada desta actividade. As sesións comezarán a principios de outubro na Biblioteca Rialeda e serán os mércores, ás 17.30 horas. Pola súa parte, na Biblioteca Municipal Rosalía de Castro de Santa Cruz a actividade comezará a mediados de outubro e serán os luns ás 18.30 horas.