Un total de 16 padexeiros galegos participarán nos Campionatos de Europa en Brandemburgo

Dezaseis padexeiros galegos estarán presentes no Campionato de Europa sénior que se disputará ao longo do fin de semana en Brandemburgo (Alemaña). Ademais das probas individuais, tamén tomarán parte na modalidade de barcos dobres. Trece son homes e tres mulleres.

Rubén Millán estará no K-1 1.000 metros, mentres Víctor Rodríguez competirá no K-2 1.000 metros. Tamén Diego Piña formará parte do equipo español no K-4 1.000 metros. Roi Rodríguez, que se proclamou campión de Europa sub-23 en K-1 1.000 metros, terá agora a súa oportunidade en K-1 500 metros.

Carlos Pérez Rial afrontará o K-2 500 metros, mentres Cristian Toro e Carlos Arévalo formarán no K-1 200 metros. Pola súa banda, José Manuel Sánchez competirá en C-1 1.000 metros e Ton Campos e Diego Romero farao en C-2 1.000 metros. Na modalidade de canoa, a representación galega complétase con André Oliveira e Yeray Picallo en C-2 500 metros e José Luis Bouz en C-1 500 metros.

Galicia contará con tres padexeiras na categoría feminina. Carla Pérez será unha das participantes en K-1 200 metros, mentres Raquel Rodríguez e Jenifer Casal afrontarán a proba de C-2 500 metros.