Un menor que circulaba en bicicleta resulta ferido ao ser atropelado en Oleiros
Un menor resultou ferido este venres ao ser atropelado cando circulaba en bicicleta pola estrada que une Oleiros e A Coruña, ao seu paso pola localidade de Mera, situada no municipio coruñés de Oleiros.
Segundo informou o CAE 112 Galicia, o menor foi alcanzado por un turismo sobre as 12,30 horas. Tras o impacto o mozo quedou baixo o vehículo, aínda que non estaba atrapado.
Ata o lugar trasladáronse os servizos de Urxencias Médicas 061, a Garda Civil de Tráfico e o servizo municipal de emerxencias, indicaron as mesmas fontes.