Rodrigo Iglesias Mosquera “Rodri” ficha polo C.D. Boiro
A directiva do C.D. Boiro encabezada por David Places, quere facer oficial a través deste comunicado a fichaxe do cérbero SUB-23 Rodrigo Iglesias Mosquera “Rodri”. O porteiro estivo a adestrar co C.D. Boiro durante os últimos meses da tempada tras abandonar o filial do Real Club Deportivo da Coruña.
Iglesias debutou tamén no Villestro, pero pasou a formar parte da canteira deportivista cando cumpría o seu segundo ano na categoría Alevín.
Tachi continúa co Boiro
Por outra banda, a directiva do CD Boiro confirma a renovación por unha tempada máis de Tachi. O futbolista, de Boiro, xa formou parte do club de Barraña a pasada tempada.