Rey Varela preside a entrega do premio dun certame turístico convocado polo Eixo Atlántico

Rey Varela participa na entrega dun premio do Eixo Atlántico

O alcalde de Ferrol, Jose Manuel Rey Varela, presidiu esta mañá a entrega do premio ao gañador dun certame convocado polo Eixo Atlántico e centrado no ámbito do turismo. O obxectivo deste concurso é que unha familia de Ferrol puidera coñecer un municipio do norte de Portugal, neste caso Vila Nova de Gaia.

Este acto de entrega tivo lugar no Salón de Recepcións da Consistorial e contou coa presenza do secretario Xeral do Eixo Atlántico, Xoán Vázquez Mao, e diferentes membros da Corporación Municipal. Jose Manuel Rey fixo entrega do premio á galardoada, María Luz Picos Bouza, que gozará dunha estancia de turismo rural na cidade portuguesa de Vila Nova de Gaia.