Recuperan en Beade a unha cría de gabián ferida

Gabián ferido

Axentes da Unidade Ambiental de Intervención Rural (UMIR) da Policía Local de Vigo recuperaron este xoves na parroquia de Beade a unha cría de gabián, que podería caer do seu niño e que presentaba unha lesión.

Foi unha cidadá a que deu o aviso á Policía sobre as 18.00 horas deste mércores, informando de que se atopara unha ave na rotonda Clara Campoamor, na parroquia de Beade.

Unha patrulla desprazouse ata o lugar, onde comprobou que a ave que recollera a requirente era unha cría de gabián común, da especie ‘Accipiter Nisus’, que posiblemente caería do seu niño.

Como observaron que o animal tiña unha lesión nunha das ás, os axentes trasladaron a ave ao centro de recuperación de fauna silvestre de Cotorredondo, en Pontevedra.