Primeira ruta de sendeirismo do período estival en Boiro
A concellería de Turismo de Boiro, organiza este venres ás 21.00h a primeira das rutas de sendeirismo programadas para este verán. Trátase dun percorrido de 8 km e duración estimada de 2 horas e media, que ten o punto de partida na Praza de Galicia. A ruta pasará por Ponte Goiáns, Changuiña, Sealo, O Covo, o porto de Escarabote e paseos marítimos, poderemos gozar dunhas espectaculares panorámicas nocturnas do rueiro de Boiro.
Esta é a primeira das oito rutas que a concellería de Turismo ten programadas para este verán 2014, xa que o programa conta cunha ruta semanal.
A ruta ten unha cota de inscrición de 2.50 euros. Poden anotarse na Oficina de Turismo de Boiro, no mail turismo@boiro.org ou no teléfono 981842654