Pavel Pumprla renova co Rio Natura Monbus

O Rio Natura Monbus e Pavel Pumprla alcanzaron un acordo para estender a súa relación unha tempada máis, polo que o beirado checo de 1,98 metros e 28 anos cumprirá a súa terceira tempada ás ordes de Moncho Fernández.

O xogador recalou no conxunto galego procedente do CEZ Nymburk e na súa última campaña en ACB, na que disputou todos os partidos da liga Endesa, promedió 6.7 puntos, 3.0 rebotes, 2.1 asistencias e 1.1 recuperacións en 24 minutos.

O xogador atópase actualmente coa súa selección preparando a fase de clasificación para o Eurobasket’2015, que se celebrará entre o 10 e o 27 de agosto.

“A renovación de Pavel é unha boa noticia en todos os aspectos, empezando polo da continuidade. Ambas as partes queriamos continuar unidas e tras a saída do xogador ao mercado, finalmente puxo moito do seu parte e decidiu seguir connosco. A súa defensa, enerxía, intensidade e rebote, entre outras virtudes, permitíronlle converterse nun xogador importante na ACB e, por extensión, axudaron ao equipo na consecución dos obxectivos nas dúas tempadas en que estivo connosco”, afirma o director xeral do club, José Luís Mateo.