Os voluntarios de Protección Civil continúan colaborando na boa marcha das actividades festivas

Un ano máis, os voluntarios de Protección Civil de Santiago están colaborando nas diversas actividades das Festas do Apóstolo. Así o fixeron nos Fogos, na Ofrenda ou nos concertos da praza Quintana. Na noite do 24, día dos Fogos do Apóstolo e de grande afluencia de cidadáns, Protección Civil colaborou para que a noite transcorrera sen incidencias. Ao día seguinte, dous voluntarios vestiron o tradicional traxe de maceiro para acompañar a Corporación municipal na Ofrenda do Apóstolo.

Ademais, os efectivos de Protección Civil seguen supervisando o cumprimento nos diferentes concertos das normas de seguridade, tales como a liberación dos corredores e saídas de emerxencia.