Os veciños de Angrois agradecen a candidatura ao Premio Príncipe de Asturias da Concordia

O presidente da Asociación de Veciños de Angrois, Anxo Puga, agradeceu a candidatura ao Premio Príncipe de Asturias da Concordia 2014, recoñecemento que non se esperaban xa que, como asegurou, eles só querían axudar e que non pediron nunca nada a cambio.

Puga comentou que este premio é “un máis dos recibidos” no último ano, e que “como sempre o agradecen. Sobre as posibilidades de gañar o premio, o presidente desta asociación indicou que é algo que “non depende” deles.

    Segundo informou este domingo a Federación de Asociacións de Amigos do Camiño de Santiago, entidade que presentou a proposta, o xurado designado pola Fundación Príncipe de Asturias considerou aceptar a candidatura dos veciños de Angrois ao Premio Príncipe de Asturias da Concordia 2014.

   Para conseguilo, reuníronse un total 116.570 firmas, como petición popular, a través da plataforma ‘Change.org’, ademais da existencia de “centos de mostras artísticas como poemas, narracións, pinturas, fotografías e obras teatrais sumándose á iniciativa”.

   Este premio diríxese á persoa ou grupo de persoas que acrediten entre os seus méritos posuír a máxima exemplaridade e solidariedade humana, demostrando de forma fidedigna a transcendencia internacional da súa obra.