Os usuaris do servizo de axuda no fogar de Tomiño poden beneficiarse de camas articuladas, cadeiras de rodas, podoloxía e fisioterapia a domicilio

O Concello de Tomiño ofrece, de forma gratuíta, o Servizo de Axuda no Fogar por dependencia (SAF dependencia-Xunta de Galicia) a usuarios do municipio.

O Concello quere difundir entre os usuarios deste programa de axuda no fogar (uns trinta dos 55 usuarios totais), que poden optar a diferentes servizos, ofertados, de balde, pola empresa adxudicataria (SOCISER S.L.), entre os que se atopan o préstamo de axudas técnicas, que inclúe camas articuladas, grúas de mobilización persoal, cadeiras de ducha-baño, cadeira de rodas, bandexas de lavado cabeza en cama, etc..

Ademais, os usuarios do SAF poden ter de forma totalmente gratuíta, podoloxía e fisioterapia a domicilio, acompañamento e desenvolvemento de hábitos saudables.

As persoas usuarias do SAF do Concello de Tomiño que precisen algunhas destas axudas, teñen que solicitalas nos Servizos Sociais do Concello (Antigo Centro de Saúde. Barrio da Rocha) ou chamando ao teléfono 986 62 32 11 en horario de mañá (9 a 14 horas).

PRÉSTAMO DE AXUDAS TÉCNICAS:

Paralelamente, nos Servizos Sociais do Concello teñen a disposición da poboación préstamo de 19 camas articuladas (todas ocupadas), unha grúa de mobilización persoal (ocupada), 3 pares de muletas (libres), 1 andador (libre).

EMERXENCIA SOCIAL MUNICIPAL:

Durante este ano houbo un total de 61 solicitudes (algunhas das solicitudes de emerxencia de alimentos renovóuselles de forma automática varios meses seguidos)

ATENCIÓN AO PÚBLICO:

Durante este ano, as dúas traballadoras sociais atenderon a 1099 citas. A educadora familiar un total de 581 citas.