Os atletas promesas da Ximnástica poderían repetir en Durango as tres medallas de pista cuberta

Os atletas promesas da Sociedade Ximnástica (20, 21 e 22 anos), asinaron o pasado inverno unha gran actuación na nacional promesa de pista cuberta, con tres medallas.

Este fin de semana en Durango, celébrase o seu Campionato en pista ao aire libre e hai moitas posibilidades de repetir a fazaña.

David Alejandro nos 100 metros e Manuel Muíños no salto de altura; tentarán renovar as súas medallas. David se non xorden complicacións nas series eliminatorias, ten un oco na final; os 10.64 que correu este ano, colócanlle con opcións a podio e ademais o pasado mércores en Cáceres fixo 10.62 ventoso, demostrando que está nun bo momento de forma. O salto de altura preséntase moi aberto para Manuel Muíños, hai até 6 atletas que poden subir ao podio e ninguén excedeu este ano os 2,10.

A ausencia de Iván Maceiras, que foi medalla en pista cuberta en salto de lonxitude, por culpa dunha lesión; en certa forma compénsase con Marc Tur nos 10 km. marcha, unha especialidade que non se celebrou baixo teito e que se presenta na proba de máis nivel do Campionato.

Marc correu o pasado mércores en Cáceres, nos 5 km. 19 minutos e 18 segundos; mellorando en máis de 40 segundos o seu rexistro persoal, unha fantástica marca que é record da Sociedade Ximnástica. Pero en Cáceres quedou segundo por detrás de Álvaro Martín, que tamén estará en Durando, xunto con Amezcua; ambos os atletas seleccionados para o europeo de Zúric.

O sábado ao once da mañá comezarán as series eliminatorias do hectómetro para David Alejandro; cuxas semifinais serán ás sete e media da tarde e a final ás nove da noite. 15 minutos antes da final do hectómetro, Manuel Muíños iniciará a proba de salto de altura.

O domingo haberá que madrugar para ver os 10 km. marcha con Marc Tur, posto que ao nove da mañá darase a saída.

A Ximnástica pode seguir dominando o Campionato de Galicia de 5 km. en ruta

A localidade coruñesa de Curtis, acolle este sábado, a partir do nove e media da noite, o Campionato de Galicia de 5 km. en ruta, na súa quinta edición. No catro edicións anteriores, algún atleta masculino da Ximnástica sempre levou a medalla de ouro; Javi Gómez Noya (2010 e 2012), Iván Docampo (2011) e Rafael Fontes (2013).

Destes tres atletas, Iván Docampo é o único que estará na rúa Mestre Eduardo Fariña de Curtis, para tomar a saída e tentar continuar o dominio da Ximnástica neste campionato, sorte.