O presidente da CEG ve con asombro a folga salvaxe de lixos en Lugo

O presidente da Confederación de Empresarios de Galicia (CEG), José Manuel Fernández Alvariño, trasladou o seu “asombro” pola folga “salvaxe” de lixos que se vive na cidade de Lugo e que xa se estendeu durante 42 días.

En rolda de prensa, Alvariño aproveitou para referirse ao conflito de lixos que sofre a cidade lucense e na que “se transgriden todos os dereitos dos usuarios” para advertir das “consecuencias” que tería en materia de “seguridade” e de “hixiene”.

“Non comprendemos esta situación”, recoñeceu, para sinalar posteriormente que Galicia “necesita estabilidade total” e mandar “unha mensaxe ao mundo” de que “quere crecer” e “está a crecer”.