O Hospital Vithas Nosa Señora de Fátima realiza os exames médicos ao primeiro equipo do Celta

O luns, martes e mércores da próxima semana, os futbolistas da plantilla do Real Club Celta someteranse aos exames médicos de pretemporada no Hospital Vithas Nosa Señora de Fátima. Aos xogadores faránselles completas analíticas e probas para obter a información necesaria para garantir a súa óptimo estado de forma. Tamén se realizará, por primeira vez, unha antropometría por impedancia en Pontevedra.

Ao finalizar os exhaustivos exames en Fátima, entre eles, electrocardiogramas, espirometrías e probas de esforzo, os xogadores celestes desprazaranse á Facultade de Ciencias da Educación e do Deporte do Campus de Pontevedra da Universidade de Vigo para someterse a unha antropometría por impedancia –coñecer a súa composición corporal, cantidades e distribución de auga, graxa e músculo- que tamén contribuirá a comprobar o seu estado e axudará a optimizar o seu rendemento ao longo da tempada. 

O Hospital Vithas Nosa Señora de Fátima, provedor de servizos médico-sanitarios do club desde mediados dos anos 70, é o encargado de realizar tanto os recoñecementos previos ao comezo de tempada das distintas categorías do club, como de cubrir as continxencias sanitarias que se presentan ao longo do ano.

As probas no Campus de Pontevedra realizaranse baixo a supervisión do fisiólogo e nutricionista celeste Federico Mallo.