O fabricante Alcoa que conta cunha planta en Cervo sale de perdas no segundo trimestre

O fabricante estadounidense de aluminio Alcoa, cunha planta en San Cibrao, na localidade luguesa de Cervo, logrou un beneficio neto atribuído de 138 millóns de dólares (101 millóns de euros) no segundo trimestre, fronte ás perdas de 119 millóns de dólares (87,5 millóns de euros) do mesmo período de 2013, informou a compañía, que inaugura así a tempada de presentación de resultados en Estados Unidos.

A cifra de negocio da multinacional alcanzou entre abril e xuño un total de 5.836 millóns de dólares (4.291 millóns de euros), un 0,2% menos que no mesmo período do ano anterior.

Deste xeito, nos seis primeiros meses do exercicio Alcoa rexistrou perdas netas de 40 millóns de dólares (29 millóns de euros), fronte ás ganancias de 30 millóns de dólares (22 millóns de euros) dun ano antes, mentres que a súa facturación diminuíu un 3,3%, até 11.290 millóns de dólares (8.301 millóns de euros).

“Os nosos resultados do segundo trimestre demostran que a transformación de Alcoa está en marcha”, declarou o presidente e conselleiro delegado da compañía, Klaus Kleinfeld.

Doutra banda, Alcoa reiterou a súa confianza en que a demanda global de aluminio experimente este ano un crecemento do 7%.