O Club Baloncesto Tui celebra o Campus de Tecnificación Joe Arlauckas C.B.

O Club Baloncesto Tui vai celebrar na vindeira semana do 21 o 26 de xullo o Campus de Tecnificación JOE ARLAUCKAS C.B. TUI 2014, enfocado a xogadores de basket maiores de quince anos na procura de mellorar o seu rendimento deportivo. O Campus estará dirixido polo ex xogador da NBA e do Real Madrid Joe Arlauckas, que xunto a un equipo técnico de adestradores superiores e da fisioterapeuta Marta Zurro adestrarán a 51 xogadores procedentes das canteiras de equipos ACB e ADECCO, algúns dos cales xa debutaron na Liga Endesa esta tempada.

Con sesións de adestramento de mañá e de tarde, tanto colectivos como individuais, práctica de tiro, defensa, mellora do xogo de costas ao aro, etc. Tamén se complementará o Campus cunha charla sobre nutrición, outra de psicoloxía deportiva e un encontro con dous axentes profesionais de xogadores, como actividades de lecer haberá un paseo en catamarán e un descenso en rafting polo río Miño, finalizando o Campus cunha visita guiada polo casco vello de Tui.