O BNG solicita que a ampliación da AP-9 en Rande non prexudique aos veciños do Morrazo

A voceiro do BNG no Congreso, Olaia Fernández Davila, pediu á ministra de Fomento, Ana Pastor, que o proxecto construtivo da ampliación da AP-9 na ponte de Rande non prexudique aos habitantes de O Morrazo.

A parlamentaria nacionalista recordou que no BOE do 17 de maio se publicou a resolución de Fomento coa aprobación definitiva do proxecto de ampliación da AP-9 no acceso á ponte de Rande. Segundo indicou, este proxecto “pon nun embude o tráfico do Morrazo ao impedir o uso dos dous carrís actuais para acceder á bisbarra”.

Nesta liña, Davila trasladou o departamento que dirixe Ana Pastor que o trazado do terceiro carril nun tramo de seis quilómetros dende o enlace de Teis ata a estación de servizo de San Simón “é na práctica un caixón” posto que leva ao tráfico do Morrazo a “unha trampa sen saída”.

Así mesmo, criticou que o Ministerio non respondese ás alegacións dos veciños que “se viron obrigados” a presentar un recurso de reposición ao proxecto definitivo. Así, lamentou a “nula consideración” de Fomento “cara ás lexítimas observacións sobre o proxecto” xa que, segundo indicou, “se limitou a dicir que as demandas dos veciños son unha cuestión localista”.

Por iso, Davila considerou a replica de Fomento “reduccionista” a “limitarse a atacar sen deterse a analizar a necesidade de mellorar o proxecto para que sexa unha vía completa, integradora para todos os tráficos, vendan de onde veñan”.