O alcalde de Cotobade comproba o ritmo das obras do Centro Médico de Carballedo

O alcalde de Cotobade visita as obras do centro médico

O Alcalde do Concello de Cotobade, Jorge Cubela, comprobou esta mañá con técnicos da empresa adxudicataria da obra do Centro Médico de Carballedo o bo ritmo con que se están a executar os traballos de edificación.

Ademais, o Alcalde mostra a súa satisfacción por dotar á zona alta do Concello dun Centro Médico novo. “A ubicación do futuro centro médico posibilitará a concentración de servicios, a proximidade cos servicios e coa administración local, axudando a crear un núcleo que posibilite ter unha Capital definida, forte e dinámica, como teñen Cerdedo, A Lama ou Campo Lameiro, cun núcleo moi definido”.

Os técnicos da empresa manifestan que as obras estarán rematadas no mes de agosto, polo que en canto o Sergas teña disposición de acometer o traslado do profesional sanitario os veciños de Cotobade acudirían a estas novas instalacións”.

Cubela valora positivamente o apoio inversor que se está conseguindo das distintas administracións podendo cumprir desta forma o programa electoral, facendo política doutra forma distinta á etapa anterior, caracterizada pola parálisis inversora e a falta de peso nas administracións”.

“En plena recesión económica estamos conseguindo proxectos que non se conseguiron en época de bonanza”

“Aí está o apoio conseguido para o Socavón, Entrega dos Títulos da Concentración Parcelaria de Carballedo, Conseguir a renuncia ós proxectos das Canteiras, a estrada de Cutián a Campo Lameiro, as melloras no abastecemento de auga en Tenorio, Campo de Herba Sintétita, o Proxecto da estrada a Almofrei, o Campo de Tiro de Borela, a Aprobación Inicial do Proxecto Polígono Industrial Salgueirós e a Aprobación Inicial do PXOM de Cotobade, así como o resto de inversións e colaboracións que ao final de mandato suporán cumprir o PROGRAMA ELECTORAL DO PP DE COTOBADE”