Neda recibe unha tonelada de alimentos de Cruz Vermella para destinar a familias con escasos recursos

O Concello de Neda recibiu a pasada semana máis dunha tonelada de alimentos para distribuír entre as familias con escasos recursos económicos do municipio que, dende o 2011, se benefician de entregas mensuais de cestas. Así, entre os 1.011 quilos a repartir figuran productos de primeira necesidade, como aceite de oliva, arroz, atún, galletas, leite, pasta e tomate… Estes alimentos forman parte da axuda da Unión Europea dentro do Plan Comunitario de Axudas Alimentarias para persoas sen recursos que o Concello de Neda recibe a través de Cruz Vermella Española.

Así, o departamento municipal de Servizos Sociais iniciou o pasado luns o reparto entre o medio centenar de familias que participan no programa. Todas as cestas de alimentos levan unha ducia de envases de leite, cinco paquetes de pasta e outras cinco botellas de aceite de oliva, tres paquetes de arroz, dous de lentellas, dez latas de conservas, dous botes de xudías e dous de froita en conserva, garabanzos, alubias e galletas. Cestas que aumentan en función do número de membros do núcleo familiar. O Concello destina, cada ano a este programa, preto de 4.000 euros.