Membros da Ximnástica de Pontevedra acudiron ao curso de adestrador nacional

Durante o mes de xullo en Madrid celebráronse os cursos de adestrador de atletismo, niveis II (adestrador de club) e nivel III (adestrador nacional).

Dous membros da Sociedade Ximnástica, José Antonio Córdoba e Santi Ferrer Alonso, acudiron a Madrid a continuar a súa formación como adestradores de nivel III.

A Federación española, como garante da formación dos futuros adestradores de atletismo, establece en dúas fases os cursos de nivel III de adestrador nacional; tanto Ferrer como Córdoba, estiveron o ano pasado na primeira fase e volveron agora para a segunda fase, que completarán cunha serie de traballos de campo a finalizar o próximo novembro.

Polo momento a súa formación está a resultar moi satisfactoria e en breve veremos como dous integrantes da Sociedade Ximnástica conseguen o seu título de adestrador nacional de atletismo.