Lúa Piñeiro participará no Grand Prix de Suzhou

A galega Lúa Piñeiro (-67 quilogramos) participará esta fin de semana no primeiro Grand Prix do ano, que se celebrará en Suzhou (China), entre os días 4 e 6 de xullo. Ademais, a galega posteriormente disputará o Open Internacional de Corea (do 11 ao 16 de xullo). Nos Grand Prix so participan os mellores do ránking mundial dos pesos olímpicos, polo que é unha proba especialmente complicada, pero á vez moito máis ilusiónante. En Suzhou competirán 236 deportistas de 57 países, entre os cales destaca a presenza de 9 medallistas olímpicos. A galega terá que saír ao tapiz o día 5 de xullo e aínda non se coñecen os cruces. Lúa estivo concentrada en Madrid entre os días 22 e 29 de xuño, antes de partir en dirección a China. Ademais a galega non regresará ao remate do Gran Prix, senón que se desprazará ata Gyeongju (Corea), onde disputará o Open Internacional G-2 do 11 ao 16 de xuño. Son moitos os puntos en xogo e cos Xogos Olímpicos no horizonte, polo que Lúa enfronta o reto co maior optimismo.