Gran éxito de participación no torneo ipádel organizado por Aemos

A Asociación de Empresarios de Mos e o Club Ipadel clausuraron o pasado domingo, 27 de xullo, o I Torneo de Pádel Ipádel-AEMOS celebrado ao longo de dez xornadas nas instalacións que devandito club ten no polígono da Portela – Mos.

Finalmente, foron máis de 400, socios e non socios de AEMOS, os participantes nesta competición que se dividiu, tendo en conta o nivel (desde iniciación a profesional), en catro categorías masculinas, tres femininas e dúas mixtas.

Durante o transcurso do campionato foron innumerables os afeccionados a este deporte que se achegaron para presenciar os partidos e gozar das once pistas panorámicas indoor que dispón o Club Ipadel, gravación de partidos, tenda con material especializado e pantallas nas zonas de descanso.

Todos os participantes demostraron un excelente nivel deportivo e a súa “pelexa” ilusionada por subir ao pódium, pero finalmente o cadro de honra compuxérono:

1ª Masculina: David Garc/Chalu Rodr con 3-6 e 3-6 sobre Jano /Nico García

2ª Masculina: Rafa Sanch/Damián Ald, cun apertado 4-6/5-7 sobre Miguel Búa/Iñaki Gómez

3º Masculina: Iván Millán/Marco Antonio Lemos

4º Masculina: Hugo Corney/Alejandro Silveira

1ª Feminina: Fernanda Domínguez/Raquel cun 7-5/6-4 sobre Lorena Curiel/Laura Falagán

2ª Feminina: Sonia Sebastián/Pepa Nocelo

1ª Mixto: Fernando Arteaga/Raquel Seijo

2ª Mixto: Gonzalo Go/Olalla Mar cun disputado partido con Ana María /Luís Fuciño, cun resultado final de 4 – 6 / 6 – 3 / 4 – 6

Na cerimonia de clausura fíxose entrega dos premios aos vencedores e dun detalle conmemorativo aos demais participantes. Horacio Reyes, xerente de Segursystem Europa, e Manuel Rivera, de Ipádel, foron os encargados de dar os galardóns. Ao acto asistiron tamén Fernando Arteaga, Anxo Toucedo, Lorena Curiel e o xerente de AEMOS, Francisco Domínguez, quen destacou a “profesionalidade na organización do evento, o que lle levou a ser un éxito de participación e asistencia”. Así mesmo, Domínguez agradeceu “o inestimable apoio das empresas colaboradoras, esperando que este campionato se consolide no tempo con novas edicións”. Neste sentido, desde AEMOS enuncian o nome de todas as entidades que fixeron posible este campionato: SegurSytem Europa, Visualiza, Alonso e Serodio, Deportes Gonzalez, Barceló Viaxes, Froitas Sol, Imprenta Gregorio, Tym Ganain, Dalot, Aki Bricolaxe, Disgobe, Exclusivas Global Concept, O Sopapo, Cervexas Nos, Distribucións Carlos Martínez e Garaxe Pais.