“Conciliamos xogando” arrancará en Neda con todas as prazas cubertas

A próxima semana arrancará nas instalacións do colexio público San Isidro o programa municipal “Conciliamos xogando”. E faráo coa participación de 56 nenos e nenas da real vila. O Concello decidía aumentar as prazas das 50 inicialmente ofertadas ata as 56 para evitar que ningún neno ou nena se quedase en lista de espera neste servizo de atención á infancia pensado para favorecer que os pais e nais de Neda compatibilicen a súa vida persoal e familiar coa laboral durante as vacacións escolares. Así, as actividades de “Conciliamos xogando” principiará o luns, día 14, e prolongaránse ata o 31 de xullo, de luns a venres entre as 8,45 e as 13,45 horas. Trátase dun programa con custe cero para as familias para nenos e nenas de entre 3 e 12 anos. Organizado pola Concellería de Igualdade, está cofinanciado polo Concello e a Deputación Provincial da Coruña. Entre as actividades, os seis monitores do programa guiarán xogos ao aire libre, obradoiros de reciclaxe, xogos cooperativos ou talleres de educación en igualdade.