publicidade hoxe

Cincuenta cativos de Frades participan nunha excursión ao Aquapark de Cerceda

PUBLICADO EN: Noticias de GaliciaFrades
A-
A+
Cativos de Frades na visita ao Aquapark

Cativos de Frades na visita ao Aquapark

Un total de cincuenta nenos e nenas de Frades participaron na primeira das dúas viaxes ao Aquapark de Cerceda organizados polo Concello de Frades no seu programa de verán. O Concello de Frades subvencionou o 70% da actividade, que se volverá repetir o próximo venres 22 de agosto. Información e inscricións no Concello de Frades ou no 981 695 567.

Así mesmo, o Concello de Frades informa doutras tres excursións máis programadas para o próximo mes de agosto e para as que xa está aberto o prazo de inscrición. A primeira será unha excursión infantil á Granxa Escola de Belelle (Neda-Ferrol), que terá lugar o venres 1 de agosto. O Concello de Frades subvencionará o trasporte e parte do prezo da actividade, de xeito que as cotas de inscricións serán de 5 euros (menores de 12 anos) e 10 euros (maiores).

Para o venres 8 de agosto está prevista unha excursión multiaventura a Naturmaz (Mazaricos), dirixida a maiores de 12 anos, onde os participantes poderán practicar kayak, BTT, paintball…. Neste caso, o Concello de Frades subvenciona o transporte e parte da actividade, polo que o seu custe será de 15 euros (empadroados) e de 20 euros para os non empadroados). En ambas excursións, o xantar non está incluído.

Finalmente, o sábado 9 de agosto terá lugar unha excursión á ría de Arousa, que inclúe almorzo, comida e unha viaxe en catamarán. O prezo é de 25 euros (empadroados) ou de 30 euros (non empadroados), así como 10 euros para nenos e nenas ata os 12 anos. O prazo de inscrición remata o vindeiro 24 de xullo.

15 de xullo de 2014 | 14:04 • Sen comentarios

Comentarios pechados.