Carlos Negreira evita pronunciarse sobre se pediu ao tenente de alcalde que quede

O alcalde da Coruña, Carlos Negreira, evitou confirmar se pediu ao tenente de alcalde, Julio Flores, imputado na ‘Operación Pokémon’, que quede despois de que este asegurase que o rexedor lle pedira que non presentase a súa dimisión e que mantivese “a cabeza fría”.

A preguntas dos medios, o rexedor herculino evitou confirmar este feito e sinalou: “Eu o que lle pedín á Xustiza é que se acelere na medida do posible a tramitación de fase de instrución”.

Así mesmo, insistiu que na instrución “non se declaran feitos probados” e cre que “o que hai é que rematala para ver as consecuencias que poida ter”, dixo.

Ao respecto , e en coincidencia coas súas anteriores manifestacións sobre as investigacións da Operación Pokémon e a rama da investigación centrada en A Coruña, insistiu en que “se está a traballar a nivel da Xustiza e hai que deixar traballar á Xustiza”.