As categorías inferiores do Azkar Lugo finalizaron a tempada co torneo Costa Daurada Cup

Hoxe xoves finalizou unha nova edición do Torneo Costa Daurada Cup de fútbol sala. Ao longo dos últimos catro días, catro equipos do Azkar Lugo disputaron este torneo ao que levan acudindo a participar nas últimas tempadas. Finalmente os equipos benxamín e alevín non puideron alcanzar as finais das súas respectivas categorías ao caer esta mañá na rolda de semifinais, mentres que os equipos infantil e cadete finalizaran a súa participación no campionato onte mércores tras a rolda de grupos.

Pero non todo foi deporte de competición nesta apaixonante semana, senón que ao longo de todos estes días os xogadores do Azkar Lugo puideron gozar xunto aos seus adestradores das praias da localidade tarraconense, xogos e piscina no hotel da expedición lucense, do parque de atraccións de Port Aventura e mañá venres farano do parque Acuático Aquopolis para xa pola tarde emprender viaxe de regreso cara a terras lucenses. Todo iso cunha gran convivencia entre toda a expedición e gozar dun torneo que serviu un ano máis para pechar a actividade das categorías inferiores e da Escola Terra neste caso da tempada 13/14.

Estos foron os resultados:

Categoría benxamín:
CDE Moprisala 3 – Azkar Lugo benxamín 4 (luns)
Azkar Lugo benxamín 5 – Atlético Almonacid FS 1 (luns)
Azkar Lugo benxamín 2 – CD Murcia FS A 0 (mércores)
Semifinales: Azkar Lugo 1 – Murcia 3 (xoves)

Categoría alevín:
Rivas 95 A 9 – Azkar Lugo alevín 2 (luns)
Atlético Almonacid 2 – Azkar Lugo alevín 3 (martes)
Azkar Lugo alevín 2 – CFS Vandellós 0 (mércores)
Cuartos de final: Azkar Lugo alevín 5 – Moprisala Toledo 3 (mércores)
Semifinales: Azkar Lugo 4 – Rivas 95 6 xoves)

Categoría infantil:
Rivas 95 A 2 – Azkar Lugo infantil 1 (luns)
Atlético Almonacid 4 – Azkar Lugo infantil 4 (martes)
Azkar Lugo infantil 1 – CD Murcia FS B 4 (mércores)

Categoría cadete:
Rivas 95 A 4 – Azkar Lugo cadete 1 (luns)
Atlético Almonacid 3 – Azkar Lugo cadete 4 (martes)
Azkar Lugo cadete 2 – Platense Laguna 9 (mércores)