Arrincan en Cambre as obras para ampliar as aulas do Wenceslao Fernández Flórez

O colexio Wenceslao Fernández Flórez terá tres aulas máis de Educación Primaria para este novo curso 2014/2015 tal e como anunciara o pasado mes de febreiro o xefe territorial de Educación dá Coruña, Indalecio Cabana. O alcalde de Cambre, Manuel Rivas, visitou hoxe as obras hoxe xunto coa edil de Educación, María Jesús González Roel, e asegurou que finalizarán antes do inicio escolar. En concreto, modifícase estruturalmente a vivenda do antigo conserxe para transformala nas dependencias administrativas e nas de conserxería. Así, no espazo libre que deixarán agora os despachos dos docentes situaranse tres aulas para Educación Infantil. Cabana visitaba en febreiro xunto ao alcalde de Cambre, Manuel Rivas, e a edil de Educación, María Jesús González Roel, o CEIP Wenceslao Fernández Flórez, co fin de analizar as necesidades estruturais do centro. A ANPA e a dirección do colexio demandaron entón á concellaría máis espazo para o próximo curso e a xefatura territorial comprometeuse a resolver o problema antes de que dese comezo o novo ano escolar. “A Xunta cumpre de novo coa súa palabra e debemos agradecer o compromiso do ente autonómico con este municipio. Esta obra era prioritaria para os nosos escolares e estará lista antes de que dean comezo as clases”, apuntou Rivas.

 Tras a desafección da Casa do conserxe que se aprobou en pleno a finais do mes de setembro, a Xunta de Galicia comprometeuse a atender as necesidades educativas e de escolarización para do próximo curso; concretamente para a creación de dúas aulas de Educación Primaria. A Consellería de Educación e o executivo local, tras as reiteradas demandas do Consello Escolar e a dirección do centro sobre a falta de espazo, propuxéronse cambiar o uso da vivenda do conserxe e a transformación das dependencias en espazos dispoñibles para usos do colexio.