Actividades lúdicas de verán en Cerdedo

O Concello de Cerdedo porá en marcha no próximo mes de agosto as actividades coeducativas de verán. Para estas actividades acábase de abrir o prazo de inscrición nas oficinas municipais. Trátase dun ambicioso proxecto lúdico educativo e impartido por profesionais do lecer e tempo libre onde os nenos gozarán aprendendo a través do xogo. Realizarán actividades manuais, deportivas, cociña, xogos de auga, animación á lectura, etc…Para os empadroados no Concello estas actividades serán gratuítas e para o non empadroados terán un custo de 20 € todo o mes. Desenvolveranse en horario de 11 a 13 horas de luns a venres durante todo agosto. As idades dos participantes serán entre os 4 e 12 anos.