A Garda Civil detén a un veciño do Grove por varias subtraccións de gasoil

A Garda Civil detivo a D.V.S., de 26 anos de idade e veciño do Grove, como suposto autor dun delito continuado de roubo /furto de gasoil dun tractor da Deputación de Pontevedra.

Tras as denuncias presentadas no Posto da Garda Civil do Grove polas subtraccións de gasoil, nos meses de xuño e o actual, nun tractor empregado para a limpeza de praias estacionado na chaira da Pousada da Lanzada, compoñentes do devandito Posto do Grove, na mañá de onte, procederon á detención do suposto autor destes feitos delituosos.

O detido, que quedaría en liberdade coa obrigación de presentarse ante o Xulgado de Instrución número CATRO de Cambados, impútaselle a comisión de NOVE subtraccións, habéndose apropiado dun total de 900 litros de gas-oil.