A Factoría de Innovación da Coruña presenta as alternativas da tecnoloxía móbil para que as pemes capten clientes

O vindeiro xoves, día 17 de xullo, o Pazo de Mariñán acollerá a xornada “Como captar clientes con tecnoloxía móbil”, organizada pola Factoría de Innovación da Coruña, promovida pola Escola de Organización Industrial (EOI) e a Deputación da Coruña; e cofinanciada polo Fondo Europeo de Desenvolvemento Rexional (FEDER) e polo Ministerio de Industria, Enerxía e Turismo.

O principal obxectivo desta acción, incluída no Programa de Actividades en Aberto da Factoría de Innovación da Coruña, é dar a coñecer diferentes solucións tecnolóxicas vía móbil que poden contribuír ao crecemento dos negocios e á ampliación da carteira de clientes, sen incrementar os custos.

A participación nesta sesión, así como en todas as actividades organizadas pola Factoría de Innovación da Coruña, é gratuíta. Os interesados deben realizar a súa inscrición a través da páxina web www.eoi.es/fdi/coruña ou enviando un correo electrónico a fdi_acoruna@eoi.es