publicidade hoxe

A Carpa Xplora Xuventude chega a Meis e Ribadumia

PUBLICADO EN: Noticias de GaliciaMeisRibadumia
A-
A+

A Carpa Xplora Xuventude achégase hoxe ata as localidades de Meis e Ribadumia, na comarca do Salnés, co fin de que os mozos e mozas galegos poidan coñecer os recursos e programas dirixidos a eles, e para facilitarlles asesoramento por parte de técnicos especializados.

A actividade, organizada pola Consellería de Traballo e Benestar, estará emprazada en primeiro lugar xunto á piscina municipal de Ribadumia, entre as 16,00 e 18,00 horas. En Meis, estará ubicada na Praza de España, entre as 19,30 e 21,30 horas.

A campaña está a desenvolverse por toda Galicia desde o pasado mes de xuño e continuará ao longo de todo o verán, ata o mes de setembro. Durante estes meses, os técnicos da Rede galega de dinamización xuvenil percorrerán 110 localidades da xeografía galega.

Cabe destacar que ademais de información de interese, estas carpas pretende ofrecer un espazo aos grupos de mozos e mozas e entidades xuvenís no que poidan amosar as actividades e propostas que levan a cabo, servindo como escaparate do talento xuvenil.

10 de xullo de 2014 | 12:11 • Sen comentarios

Comentarios pechados.