A Carpa Xplora de Xuventude visita aos xóvenes de Tomiño

A Carpa Xplora Xuventude da Consellería de Traballo e Benestar desprázase esta mañá ata Tomiño, onde facilitará aos mozos e mozas interesados asesoramento por parte de técnicos especializados, ao tempo que difundirá os recursos dispoñibles para este colectivo.

A instalación estará emprazada na praza do Seixo e estará aberta ao público entre as 10,00 e 13,00 horas.

A campaña desenvólvese por toda Galicia entre os meses de xuño, xullo, agosto e setembro. Durante estes meses, os técnicos da Rede galega de dinamización xuvenil percorrerán 110 localidades galegas.

Cabe destacar que ademais de información de interese, estas carpas pretende ofrecer un espazo aos grupos de mozos e mozas e entidades xuvenís no que poidan amosar as actividades e propostas que levan a cabo, servindo como escaparate do talento xuvenil.