A Associaçom Cultural Almuinha e a Associaçom Cultural Revira de Ponte Vedra organizan a VII Romaria do Dia da Pátria

Por sétimo ano consecutivo a Associaçom Cultural Almuinha de Marimem conjunto com a Associaçom Cultural Revira de Ponte Vedra organizamos a VII Romaria do Dia da Pátria, este Sábado dia 12 de Julho, outra vez mais entre Aguete e Seixo em Marim.

Desde a sua primeira ediçom o nosso intuito foi popularizar e estender às vilas e cidades a celebraçom do nosso Dia da Pátria, para que a festa do nosso dia grande também se dê fora de Compostela.    

Este ano voltaremos sair à Ria com as embarcaçons do Grupo Cultural Ronsel, sem os que um ano mais nom seria possível organizar esta atividade. Todos os que queiram desfrutar da nossa ria desde um barco tradicional têm uma cita o Sábado dia 12 às 17:00 horas no Peirão de Aguete, a atividade é gratuita mais a disponibilidade limitada.

Depois de desfrutar da Ria e da praia vemo-nos na Casa da Cultura de Seixo, onde os membros de Galiza pola Soberania, Duarte Correa e Xosé Collazo, serám os responsáveis da realizaçom da arenga deste ano.

Aproveitando o fresco e o marco incomparável da Casa da Cultura de Seixo faremos uma churrascada, com um custo de 10€ por pessoa, e para a qual é necessária inscriçom, através do nosso correio a.c.almuinha@gmail.com ou do nosso facebook.

Fecharemos o dia com a atuaçom de uma das grandes vozes da nossa música, o guardês Tino Baz, que nos deleitará com o melhor do seu repertório.