X Campionato Galego Absoluto de Esgrima en Ferrol

A concelleira de Deportes do Concello de Ferrol, Susana Martínez Galdós, presentou esta mañá o X Campionato Galego Absoluto de Esgrima que se celebrará este domingo, dia 15, no Polideportivo de Esteiro. A edil estivo acompañada por Emilio Rilo, secretario do Club Ferrolán de Esgrima 3 Armas, equipo que organiza esta proba en colaboración coa Concellería de Deportes do Concello de Ferrol.

A competición, en horario de mañá e tarde, desenvolverase na modalidade de Esgrima moderna que consta de tres variedades olímpicas que son a espada, florete e sabre, tanto en categoría masculina como feminina. Máis de 100 deportistas, entres os que se atopan actuais medallistas nacionais, participarán neste evento deportivo. “Como as mozas do Club Esgrima O Olivo actuais ouro” destacou Martínez Galdós. A edil de Deportes quixo agradece ao club de esgrima ferrolán o seu traballo ao longo do ano e desexoulles o mellor para este campionato “que vai ser todo un éxito”.