Vindeiras actividades de “Poio, a túa escola”

O programa “Poio, a túa escola” promovido pola concellaría de educación do concello de Poio, ten como finalidade acrecentar o coñecemento do alumnado dos centros educativos de Poio sobre o seu entorno, o patrimonio histórico, etnográfico e cultural, os recursos socio económicos e medio ambientais… Finalizando o curso 2013/2014, as actividades que se van levar a cabo son as seguintes:

Día: 9 de xuño: Pescamar, Parque da Memoria e Muíños da Freixa:
O autobús recollerá ao alumnado de 5º de Primaria de Viñas (12), Lourido (23) e Chancelas (17) nesta orde comezando ás 9:10.
A hora de chegada a Isidora Riestra é sobre as 9:30. Aquí deberán estar xa as nenas e os nenos do CEIP Isidora Riestra (46).
Distribuirase ao alumnado en tres grupos para as tres visitas.

Día: 10 de xuño: Depuradora/Lonxa:
O alumnado de 3º, irán en dous grupos:
1º grupo: Espedregada (12 alumnos), Viñas (15) e Lourido (25)
2º grupo: Isidora Riestra (34) e Chancelas (15)
Comezarán a recoller ao 1º grupo ás 9:05 en Espedregada, logo irán a Viñas e despois a Lourido. A visita comezará ás 9:30. Cando deixen a este grupo irán recoller ao 2º, estarán en Chancelas sobre as 9:45 e despois irán a Isidora Riestra.