Uns 50 expositores e postos participarán no Mercado Pirata de Ferrol

A Concellería de Festas do Concello de Ferrol, que dirixe Susana Martínez Galdós, organiza o Mercado Pirata que se celebra dende mañá venres e ata o vindeiro luns, día 23, na avenida de Esteiro. Preto de 50 expositores e postos de venda ocuparán un treito dende a praza das Angustias, e nesta feira se poderán adquirir produtos de artesanía, gastronomía, orfebrería, etc…

Este mercado tamén contará con animación musical e diversións para os máis pequenos e pequenas durante os catro días. Os postos permanecerán abertos de 11:30 a 15:00 horas e de 17:30 a 00:00 horas. A apertura desta feira terá lugar mañá venres, a partir das 18:00 horas. Tamén na xornada de mañá, ás 22:00 horas actuará o grupo musical “Olta Gabhar”. Ademais, haberá animación pola rúa, monicreques, espectáculos de lume e malabares, cómicos e unha zona infantil.